शृंखला पुगिन् युरोपको शिखरमा

गण्डकी टाइम्स

शुक्रवार, श्रावण १० २०७६

गण्डकी टाइम्स

शुक्रवार, श्रावण १० २०७६

काठमाडौँ । पूर्वमिस नेपाल शृंखला खतिवडाले युरोपको सर्वाधिक अग्लो हिमाल मोन ब्ला आरोहण गरेकी छन् । खतिवडाले बुधबार उक्त पर्वत आरोहण गरेर दुवै देशको झण्डा गाडेकी काठमाडौँस्थित फ्रान्सेली दूतावासले जनाएको छ । फ्रान्स र इटालीको सीमा क्षेत्रमा पर्ने मोन ब्ला हिमालको उचाइ ४ हजार ८ सय १० मिटर छ । नेपालसँग दौत्य सम्बन्धको ७०औँ वर्षगाँठ मनाउने क्रममा फ्रान्सको निमन्त्रणामा खतिवडा त्यहाँ गएकी थिइन् । फ्रान्सका लागि नेपालको सद्भावना दूत बनेर युरोप पुगेकी खतिवडाले पर्यटकलाई नेपाल जान सन्देश दिँदै साइकल यात्रासमेत गरेको दूतावासले जनाएको छ ।

प्रतिक्रिया