उत्तर कोरियाले जापान तर्फ हान्यो ब्यालेस्टिक मिसाइल
उत्तर कोरियाले जापान तर्फ हान्यो ब्यालेस्टिक मिसाइल
गण्डकी टाइम्स
गण्डकी टाइम्स
एजेन्सी, १८ असोज । उत्तर कोरियाले मध्यमस्तरको ब्यालेस्टिक मिसाइल प्रहार गरेको छ। जापानको उत्तरी क्षेत्रतर्फ उत्तर कोरियाले प्रहार गरेको मिसाइल मध्यमस्तरको ब्यालेस्टिक मिसाइल रहेको अनुमान जापानका अधिकारीले बताएको अन्तर्राष्ट्रिय सञ्चारमाध्यमले जनाएका छन् ।
मिसाइलका कारण जापानी अधिकारीले आइल्याण्ड अफ होकाइदोका बासिन्दालाई सुरक्षित स्थानमा बस्न आग्रह गरेका थिए ।
यस्तै अस्थायी रुपमा सो क्षेत्रमा रेल सेवा पनि बन्द गरिएको छ । उत्तर कोरियाले सन् २०१७ यता पहिलोपटक जापनको आकासमाथि मिसाइल प्रहार गरेको हो ।
संयुक्त राष्ट्रसंघले उत्तर कोरियालाई ब्यालेस्टिक मिसाइल तथा परमाणु हतियार परीक्षण गर्न प्रतिबन्ध लगाएको छ । तर उसले मिसाइल र परमाणु परीक्षण रोकेको छैन ।
जापानका प्रधानमन्त्री फुमिओ किशिदाले ब्यालेस्टिक मिसाइल परीक्षणको आलोचना गरेका छन् । जापान सरकारले अवस्थाबारे छलफल गर्न राष्ट्रिय सुरक्षा परिषदको बैठक पनि बोलाएको छ ।
उत्तर कोरियाले प्रहार गरेको मिसाइल प्यासिफक ओसनमा जापानबाट तीन हजार किलोमिटर पर खसेको सरकारी अधिकारीले बताएका छन् । मिसाइलका कारण कोही घाइते भएको जानकारी नआएको उल्लेख छ ।
प्रतिक्रिया
