सन्दीपलाई थप पाँच दिन थुनामा राख्न अनुमति

गण्डकी टाइम्स

बिहिवार, आश्विन २७ २०७९

गण्डकी टाइम्स

बिहिवार, आश्विन २७ २०७९

सन्दीपलाई थप पाँच दिन थुनामा राख्न अनुमति

काठमाडौं, २७ असोज । नेपाली राष्ट्रिय क्रिकेट टिमका पूर्वकप्तान सन्दीप लामिछानेलाई थप पाँच दिन हिरासतमा राखेर अनुसन्धान गर्न अदालतले अनुमति दिएको छ । नाबालिगमाथि बलात्कारको अभियोगमा पक्राउ परेका लामिछानेलाई बिहीबार प्रहरीले काठमाडौं जिल्ला अदालत उपस्थित गराएको थियो । अदालतले उनलाई थप पाँच दिन हिरासतमा राखेर अनुसन्धान गर्न अनुमति दिएको हो । लामिछानेमाथि अनुसन्धान गर्न अदालतले यसअघि असोज २० गतेदेखि लागु हुनेगरी सात दिनको म्याद दिएको थियो । १७ वर्षीया किशोरीले लामिछानेले आफूलाई बलात्कार गरेको भन्दै गत भदौ २१ गते गौशला प्रहरी वृत्तमा जाहेरी दिएका थिए । त्यतिबेला सन्दीप क्यारेबियन लिग खेल्दै थिए । बलात्कारको आरोप लागेपछि क्यानले पनि सन्दीपलाई निलम्बन गरेको थियो । सन्दीप नेपाल नफर्किएपछि प्रहरीले इन्टरपोलमार्फत डिफ्युजन नोटिस जारी गराएको थियो । त्यसपछि असोज २० गते काठमाडौं आएका सन्दीप विमानस्थलबाटै पक्राउ परेका थिए । उनीमाथि प्रहरी वृत्त गौशालाले अनुसन्धान गरिरहेको छ।

प्रतिक्रिया